നിലമ്പൂര് പോത്തുകല്ല് ഭാഗത്ത് പുഴയില് പലയിടങ്ങളിലായി പത്തൊമ്പതോളം മൃതദേഹങ്ങള് ഒഴുകിയെത്തി. രാവിലെ പലയിടങ്ങളിലും വേറെയും ശരീരഭാഗങ്ങളും ഒഴുകിയെത്തിയതായി നാട്ടുകാര് പറയുന്നു. ഒരു കുട്ടിയുടേതുള്പ്പടെ 6 പേരുടെ മൃതദേഹങ്ങള് രാവിലെ തന്നെ കണ്ടെടുത്തിരുന്നു. വയനാട്ടിലെ ഉരുള്പൊട്ടലില് ഒലിച്ചുവന്നതാണ് ഈ മൃതദേഹങ്ങളെന്നാണ് നിഗമനം. വയനാട്ടിന്റെ അതിര്ത്തി മേഖലയാണ് പോത്തുകല്.
