മദ്യ ലഹരിയിൽ അമ്മയെ മർദ്ദിച്ച് മകൻ, വീഡിയോ വൈറൽ; പരാതി നൽകാൻ അമ്മ തയ്യാറായില്ല, സ്വമേധയാ കേസെടുത്ത് പൊലീസ്
മെൽബിൻ തോമസ് അമിതമായി മദ്യപിച്ചെത്തിയാണ് മാതാവിനെ മർദ്ദിച്ചത്. ഇത്തരത്തിൽ മെൽബിൻ പിതാവിനെ മർദ്ദിക്കുന്ന ദൃശ്യങ്ങളും നേരത്തെ പുറത്തുവന്നിരുന്നു. മെൽബിനും സഹോദരൻ ആൽബിനും സ്ഥിരമായി മാതാപിതാക്കളെ മർദ്ദിക്കാറുണ്ടെന്ന് അയൽവാസികൾ പറയുന്നു. മക്കളുടെ മർദ്ദനം ഭയന്ന് കഴിഞ്ഞ കുറേ നാളുകളായി അടുത്ത വീട്ടിലെ പശുത്തൊഴുത്തിലാണ് മാതാപിതാക്കൾ കിടന്നുറങ്ങുന്നതെന്നും റിപ്പോർട്ടുകളുണ്ട്.
