കൊലപാതകം കഴിഞ്ഞ ഉടൻ ഇയാൾ പിടിയിലായെങ്കിലും ജാമ്യത്തിലിറങ്ങി മുങ്ങുകയായിരുന്നു. അന്ന് എൻ.ഡി.എഫ് പ്രവർത്തകനായിരുന്ന സമീർ ഖാൻ ഉൾപ്പെടെ പതിനാറു പേരാണ് അറസ്റ്റിലായത്. ഇയാൾ പിന്നീട് 2004 ൽ തട്ടിക്കാട്ടുള്ള എം.എ.അഷറഫ് സ്മാരകം കത്തിച്ച കേസിലും പ്രതിയായി അറസ്റ്റിലായി. പക്ഷെ അപ്പോഴും ഇയാൾ ജാമ്യം നേടി ഒളിവിൽ പോവുകയായിരുന്നു.
ഇയാളെ പിന്നീട് കോടതി 2010 ൽ പിടികിട്ടാപ്പുള്ളി ആയി പ്രഖ്യാപിച്ചിരുന്നു. എന്നാൽ ഇയാൾ വെഞ്ഞാറമൂട് പുല്ലമ്പാറ കലുങ്കിൻമുഖത്തു താമസിക്കുന്നതായി രഹസ്യ വിവരം ലഭിച്ചതിനെ തുടർന്ന് ഇൻസ്‌പെക്ടർ കെ.ജി.ഗോപകുമാറിന്റെ നേതൃത്വത്തിലുള്ള പോലീസ് സംഘം ഇയാളെ പിടികൂടുകയായിരുന്നു. അറസ്റ്റിലായ പ്രതിയെ കോടതി റിമാൻഡ് ചെയ്തു.
