സംസ്ഥാനത്ത് ഇന്ന് പുതിയതായി 19 പേർക്ക് കൂടി കൊവിഡ് 19 സ്ഥിരീകരിച്ചുവെന്ന് മുഖ്യമന്ത്രി പിണറായി വിജയൻ. കണ്ണൂർ ജില്ലയിലാണ് കൂടുതൽ കേസുകൾ. 10 പേർ കണ്ണൂരിൽ, പാലക്കാട് 4, കാസർഗോഡ് 3, മലപ്പുറം, കൊല്ലം എന്നിവടങ്ങളിൽ ഓരോകേസു വീതവുമാണ് സ്ഥിരീകരിച്ചിരിക്കുന്നത്.
കണ്ണൂരിലെ രോഗികളിൽ 9 പേർ വിദേശത്തുനിന്ന് വന്നതാണ്. ഒരാൾക്കു സമ്പർക്കം വഴിയും രോഗം ബാധിച്ചതായി മുഖ്യമന്ത്രി വാർത്താസമ്മേളനത്തിൽ അറിയിച്ചു. പാലക്കാട്, മലപ്പുറം, കൊല്ലം ജില്ലകളിൽ രോഗബാധയുണ്ടായ ഓരോരുത്തർ തമിഴ്നാട്ടിൽ നിന്നും എത്തിയവരാണ്. ഇതുവരെ രോഗം ബാധിച്ചവരുടെ എണ്ണം 426 ആയി. 117 പേര്‍ ചികിൽസയിലുണ്ട്.
