ഗംഗേശാനന്ദ സ്വാമിയുടെ ലിംഗം മുറിച്ച സംഭവത്തിലെ ദുരൂഹതകള്‍ തുടരവെ ഡബ്ബിംഗ് ആര്‍ട്ടിസ്റ്റും സിനിമാ താരവുമായ ഭാഗ്യലക്ഷ്മിക്കെതിരെ പരാതിയുമായി പൊതുപ്രവര്‍ത്തകര്‍ . സ്വാമിയുടെ ലിംഗം താനാണ് മുറിച്ചതെന്ന് അവകാശവാദവുമായി പെണ്‍കുട്ടി രംഗത്തെത്തിയിരുന്നു. എന്നാല്‍, പെണ്‍കുട്ടി നിലപാട് മാറ്റിപറഞ്ഞത് കേസ് കൂടുതല്‍ സങ്കീര്‍ണമാവുകയായിരുന്നു.
പായ്ച്ചിറ നവാസാണ് ഇക്കാര്യം ആവശ്യപ്പെട്ട് ഡിജിപിക്ക് പരാതി നല്‍കിയിരിക്കുന്നത്. ചാനല്‍ ചര്‍ച്ചയില്‍ പെണ്‍കുട്ടിയല്ല, ഇത് ചെയ്തത് ഞങ്ങള്‍ കൊട്ടേഷന്‍ നല്‍കിയതാണ് എന്നായിരുന്നു ഭാഗ്യലക്ഷ്മി പറഞ്ഞതെന്ന് നവാസ് പരാതിയില്‍ വ്യക്തമാക്കുന്നു. മറ്റൊരു ചാനല്‍ ചര്‍ച്ചയില്‍ ധന്യ പറഞ്ഞത് കേസിന്റെ എല്ലാ കാര്യങ്ങളും അറിയാം എന്നാണത്രേ. യഥാര്‍ത്ഥ കുറ്റവാളികളെ കണ്ടെത്താന്‍ ഭാഗ്യലക്ഷ്മി, പൊതുപ്രവര്‍ത്തക ധന്യ എന്നിവരെ ചോദ്യം ചെയ്യണം എന്നാവശ്യപ്പെട്ടാണ് പരാതി.
