തൊഴിലാളി സംഘടനകളുടെയും നേതാക്കന്‍മാരുടെയും കാര്യത്തില്‍ തികച്ചും അനുകൂലമായ മാറ്റം ഉണ്ടായതായി മുഖ്യമന്ത്രി ഉമ്മന്‍ചാണ്ടി പറഞ്ഞു. തൊഴിലാളി പ്രശ്‌നത്തിന്റെ പേരില്‍ സ്ഥാപനങ്ങള്‍ ആരംഭിക്കുന്നതിനുണ്ടായിരുന്ന വിമുഖത ഇപ്പോള്‍ മാറിയതായും അദ്ദേഹം കൂട്ടിച്ചേര്‍ത്തു. തൊഴിലും നൈപുണ്യവും വകുപ്പ് ഏര്‍പ്പെടുത്തിയ വേതന സുരക്ഷാ പദ്ധതിയുടെയും കാള്‍ സെന്ററിന്റെയും സംസ്ഥാനതല ഉദ്ഘാടനം മസ്‌കറ്റ് ഹോട്ടലില്‍ നിര്‍വ്വഹിക്കുകയായിരുന്നു അദ്ദേഹം.
