വൈദ്യുതിമന്ത്രി ആര്യാടന്‍ മുഹമ്മദ് ആയിരുന്നു ചോദ്യോത്തരവേളയില്‍ ആദ്യം ചോദ്യങ്ങള്‍ക്ക് മറുപടി പറഞ്ഞത്. എന്നാല്‍, മുദ്രാവാക്യം വിളികളുമായി പ്രതിപക്ഷം ഈ സമയത്ത് സജീവമായിരുന്നു. ഇടയ്ക്ക്, ബെന്നി ബഹനാന്‍ എം എല്‍ എ ചോദ്യവുമായി എഴുന്നേറ്റപ്പോള്‍ പ്രതിപക്ഷ പ്രതിഷേധത്തിന്റെ സ്വരം ഉയരുകയും ചെയ്തു.
സോളാര്‍ കേസില്‍ തെളിവുകള്‍ പുറത്തുവന്ന സാഹചര്യത്തില്‍ ഇക്കാര്യം അടിയന്തിരമായി ചര്‍ച്ച ചെയ്യണമെന്ന് ആവശ്യപ്പെട്ട് പ്രതിപക്ഷ ഉപനേതാവ് കോടിയേരി ബാലകൃഷ്‌ണന്‍ അടിയന്തിര പ്രമേയത്തിന് നോട്ടീസ് നല്‌കിയിരുന്നു. ശൂന്യവേളയില്‍ വിഷയം ചര്‍ച്ച ചെയ്യാമെന്ന് സ്പീക്കര്‍ അറിയിച്ചെങ്കിലും പ്രതിപക്ഷം ബഹളം തുടരുകയായിരുന്നു.
