കൊച്ചിയിലെ ബസ്‌ സമരം പിന്‍വലിച്ചു
കൊച്ചിയില്‍ ശനിയാഴ്‌ച നടത്താനിരുന്ന സ്വകാര്യ ബസ്‌ സമരം പിന്‍വലിച്ചു. കളക്‌ടറുമായി നടത്തിയ ചര്‍ച്ചയില്‍ തീരുമാനമായതോടെയാണ്‌ സമരം പിന്‍വലിച്ചത്‌. വേതന വര്‍ധനവ്‌ ആവശ്യപ്പെട്ടായിരുന്നു പണിമുടക്കിന്‌ ആഹ്വാനം ചെയ്‌തിരുന്നത്‌.
വ്യാഴാഴ്‌ച കളക്‌ടറുമായി നടത്തിയ ചര്‍ച്ചയില്‍ തീരുമാനമാകാതെ പിരിഞ്ഞതോടെയാണ്‌ നാളെ സമരം നടത്താന്‍ ആഹ്വാനം ചെയ്‌തിരുന്നത്‌. അന്യായമായ കൂലിയാണ്‌ തൊഴിലാളികള്‍ ആവശ്യപ്പെടുന്നത്‌ എന്ന ബസ്‌ ഉടമകളുടെ നിലപാടാണ്‌ തൊഴിലാളികളെ സമരത്തിലേയ്‌ക്ക് എത്തിച്ചത്‌.
