ബിഎസ്എന്‍എല്ലിന്റെ ക്വാര്‍ട്ടേഴ്‌സില്‍ താമസിക്കുന്ന രഹ്ന ഫാത്തിമയോട് അവിടെ നിന്ന് ഒഴിയാന്‍ നിര്‍ദേശം. കുട്ടിയെകൊണ്ട് നഗ്നശരീരത്തില്‍ ചിത്രം വരപ്പിച്ച കുറ്റത്തിന് രഹ്നക്കെതിരെ പോസ്‌കോ നിയമം ഉപയോഗിച്ച് പൊലീസ് കേസെടുത്തിരുന്നു. ഇത് സ്ഥാപനത്തിന് അവമതിയുണ്ടാക്കിയെന്ന് ആരോപിച്ചാണ് ബിഎസ്എന്‍എല്‍-ന്റെ നടപടി.
ആഴ്ചകള്‍ക്കുമുന്‍പാണ് രഹ്നയെ ബിഎസ്എന്‍എല്ലില്‍ നിന്ന് പിരിച്ചുവിട്ടത്. അച്ചടക്ക ലംഘനം ആരോപിച്ചായിരുന്നു നടപടി. ഇതിനു ശേഷം ക്വാര്‍ട്ടേഴ്‌സില്‍ താമസിച്ചുവരുകയായിരുന്നു. കഴിഞ്ഞാഴ്ച പനമ്പള്ളിയിലെ ക്വാര്‍ട്ടേഴ്‌സില്‍ പൊലീസ് റെയ്ഡ് നടത്തിയിരുന്നു. ഇത് സ്ഥാപനത്തിന്റെ പ്രതിച്ഛായക്ക് കളങ്കം വരുത്തിയെന്ന് ബിഎസ്എന്‍എല്‍ ആരോപിച്ചു.
