ഹീനമായ ഭാഷയില്‍ തന്നെ അവഹേളിക്കുകയും വ്യക്തിഹത്യ നടത്തുകയും ചെയ്ത വ്യക്തിക്ക് ചുട്ട മറുപടിയുമായി ഗായിക അമൃത സുരേഷ്. കുഞ്ഞികൃഷ്ണന്‍ അംബികാ നഗര്‍ എന്ന പേരില്‍ ഫേസ്‌ബുക്ക് അക്കൌണ്ടുള്ളയാളാണ് അമൃതയ്‌ക്കെതിരെ സ്ത്രീവിരുദ്ധവും മനുഷ്യത്വവിരുദ്ധവുമായ കമന്റുകളിലൂടെ ആക്രമണം നടത്തിയത്. ഇത് അസഹനീയമായപ്പോളാണ് അശ്ലീല കമന്റിന്റെ സ്‌ക്രീന്‍ ഷോട്ട് എടുത്ത് പോസ്റ്റ് ചെയ്തതെന്ന് അമൃത പറഞ്ഞു.
ഇത് ഏറെ വേദനയുണ്ടാക്കുന്ന കാര്യമാണ്. ഏതൊരു സ്ത്രീക്കും സംഭവിക്കാവുന്നതാണ് ഇത്. നമ്മളെല്ലാവരും അമ്മയുടെ ഗര്‍ഭപാത്രത്തില്‍ നിന്നാണ് പുറത്തുവരുന്നതെന്ന് എല്ലാവരും മനസ്സിലാക്കണം. ഒരു സ്ത്രീക്കും ഈ ഗതി വരരുത്. സ്ത്രീകളെ ബഹുമാനിക്കാന്‍ ശ്രമിണം. തനിക്കുള്ള കമന്റില്‍ യേശുദാസ് എന്ന ഇതിഹാസത്തെ വലിച്ചിഴച്ചത് അസഹനീയമായെന്നും അതിനാലാണ് കുഞ്ഞികൃഷ്ണന്‍ ഇട്ട കമന്റ് എല്ലാവരും കാണണമെന്ന് താന്‍ ആഗ്രഹിച്ചതെന്നും അമൃത തന്റെ ഫേസ്‌ബുക്ക് പോസ്റ്റിലൂടെ അറിയിച്ചു.
