അഡ്വക്കേറ്റ് ജനറല്‍ കെ പി ദണ്ഡപാണിയുടെ ഓഫീസിന് എതിരെ ഹൈക്കോടതി നടത്തിയ രൂക്ഷ വിമര്‍ശനങ്ങളുടെ പശ്ചാത്തലത്തില്‍ കൂടുതല്‍ ആരോപണവുമായി പ്രതിപക്ഷം നിയമസഭയില്‍. ഭരണഘടന പദവിയല്ലാതെ എ ജിയും മുഖ്യമന്ത്രിയും തമ്മിലുള്ള ബന്ധമെന്താണെന്ന് പ്രതിപക്ഷം ചോദിച്ചു. സഭ നിര്‍ത്തിവച്ച് വിഷയം ചര്‍ച്ച ചെയ്യണമെന്ന് ആവശ്യപ്പെട്ട് മാത്യു ടി തോമസ് അടിയന്തര പ്രമേയത്തിനു നോട്ടീസ് നല്‍കി.
മുല്ലപ്പെരിയാര്‍ വിഷയത്തിലടക്കം കേരളത്തന്റെ താല്‍പര്യങ്ങള്‍ക്കു വിരുദ്ധമായ നിലപാടാണ് എ ജി സ്വീകരിച്ചതെന്ന് പ്രതിപക്ഷം ആരോപിച്ചു. എന്നാല്‍, അഡ്വക്കറ്റ് ജനറലിനെ സര്‍ക്കാരിനു വിശ്വാസമാണെന്നും പ്രധാനപ്പെട്ട കേസുകളില്‍ എ ജി ഹാജരാകുകയും വിജയിക്കുകയും ചെയ്തതായും മുഖ്യമന്ത്രി വ്യക്തമാക്കി.
