നടിയെ ആക്രമിച്ച സംഭവത്തില്‍ ഒരു സിപിഎം നേതാവിന് പങ്ക്; ദിലീപ് വിഷയത്തില്‍ മലക്കം മറിഞ്ഞ് പിസി ജോര്‍ജ്
കൊച്ചിയില്‍ യുവനടിയെ തട്ടിക്കൊണ്ടു പോയി ഉപദ്രവിച്ച സംഭവത്തില്‍ സ്വീകരിച്ച നിലപാടില്‍ നിന്നും മലക്കം മറിഞ്ഞ് പിസി ജോർജ് എംഎൽഎ. കേസിൽ അറസ്റ്റിലായ ദിലീപ് തെറ്റുകാരനല്ലെന്ന് പറഞ്ഞിട്ടില്ലെന്ന് അദ്ദേഹം വ്യക്തമാക്കി.
സംസ്ഥാനത്തെ മറ്റു പ്രധാന പ്രശ്നങ്ങളിൽനിന്നും ശ്രദ്ധ തിരിക്കാനുള്ള ആസൂത്രിതനീക്കമാണ് ദിലീപിന്റെ അറസ്റ്റ്. സംഭവത്തിൽ അദ്ദേഹം കുറ്റക്കാരനാണെന്ന് ഇപ്പോഴും വിശ്വസിക്കുന്നില്ലെന്നും ജോര്‍ജ് പറഞ്ഞു.
നടിയെ ആക്രമിച്ച സംഭവത്തിൽ നടനും എംഎൽഎയുമായ മുകേഷിനും അദ്ദേഹത്തെ കൂടാതെ മറ്റൊരു സിപിഎം നേതാവിനും പങ്കുണ്ടോ എന്ന് സംശയിക്കുന്നതായും ജോർജ് പറഞ്ഞു.
നേരത്തെയും നടിമാർക്കെതിരെ ആക്രമണമുണ്ടായിട്ടുണ്ട്. അന്നൊന്നും താരസംഘടനയായ അമ്മയും സർക്കാരും ഒന്നും ചെയ്തിട്ടില്ല. കേസ് സിബിഐ അന്വേഷിക്കണമെന്നും ജോർജ് ആവശ്യപ്പെട്ടു.
