ദിലീപിനെയല്ല, ചോദ്യം ചെയ്തത് മറ്റൊരാളെ: വിശദീകരണവുമായി ആലുവ എസ്പി

കൊച്ചില്‍ യുവനടിയെ തട്ടിക്കൊണ്ടുപോയി ആക്രമിക്കാന്‍ ശ്രമിച്ച കേസിൽ നടൻ ദിലീപിനെ ചോദ്യം ചെയ്തിട്ടില്ലെന്ന് ആലുവ എസ്പി എ.വി. ജോർജ്. കേസന്വേഷണവുമായി ബന്ധപ്പെട്ട് ദിലീപിനെ ചോദ്യം ചെയ്തതായി വാർത്തകൾ വന്നതിന്‍റെ പശ്ചാത്തലത്തിലാണ് വിശദീകരണവുമായി എസ്.പി രംഗത്തെത്തിയത്.

എവിടെ നിന്നാണ് ഇത്തരത്തിലുള്ള വാർത്തകൾ വന്നതെന്ന് തനിക്കറിയില്ല. ഈ കേസിൽ അന്വേഷണം നല്ല രീതിയിലാണ് മുന്നോട്ട് പോകുന്നതെന്നും ആലുവ എസ്പി വ്യക്തമാക്കി. ഈ സംഭവവുമായി ബന്ധപ്പെട്ട് ദിലീപിനെ ചോദ്യം ചെയ്തെന്ന തരത്തിൽ സാമൂഹിക മാധ്യമങ്ങളിലും ചില ഓൺലൈൻ മാധ്യമങ്ങളിലും വാർത്തകൾ പ്രചരിച്ചിരുന്നു. ഇതിനെതിരെ ദിലീപ് തന്നെ നേരിട്ട് രംഗത്തെത്തിയിരുന്നു.

എന്നാല്‍, തന്നെ മഫ്തിയിലോ അല്ലാതെയോ ഒരു പോലീസുകാരനും ചോദ്യം ചെയ്തിട്ടില്ലെന്നും തനിക്കെതിരെ നടക്കുന്ന ആസൂത്രിതമായ ആക്രമണമാണ് ഇതെന്നും വ്യക്തമാക്കി ദിലീപ് കഴിഞ്ഞ ദിവസം 

രംഗത്തെത്തിയിരുന്നു.