സി പി എം പ്രവര്‍ത്തകന്റെ കൊലപാതകം: മലപ്പുറത്ത് രണ്ട് പഞ്ചായത്തുകളില്‍ ഇന്ന് എല്‍ഡിഎഫ് ഹര്‍ത്താല്

പുത്തനത്താണി കല്‍പ്പകഞ്ചേരിയിലുണ്ടായ മുസ്ലീം ലീഗ്-സി പി എം സംഘര്‍ഷത്തില്‍ സി പി എം പ്രവര്‍ത്തകന്‍ കൊല്ലപ്പെട്ട സംഭവത്തില്‍ പ്രതിഷേധിച്ച് വളവന്നൂര്‍, കല്‍പ്പകഞ്ചേരി എന്നീ

പഞ്ചായത്തുകളില്‍ ഇന്ന് എല്‍ഡിഎഫ് ഹര്‍ത്താല്‍. സി പി എം പ്രവര്‍ത്തകനായ കടന്നത്തുകൊമട് സ്വദേശി ഹംസക്കുട്ടിയാണ് കൊല്ലപ്പെട്ടത്.

ഇന്നലെ വൈകിട്ട് ഏഴ് മണിയോടെയായിരുന്നു സംഭവം നടന്നത്. ലീഗിന്റെ വിജയാഘോഷത്തിനിടെ സി പി ഐ എം പ്രവര്‍ത്തകനായ ഹംസക്കുട്ടിയുടെ വീട്ടിലേക്ക് പടക്കമെറിഞ്ഞു. ഇത് ചോദ്യം ചെയ്ത ഹംസക്കുട്ടിയെ ലീഗ് പ്രവര്‍ത്തകര്‍ കയ്യേറ്റം ചെയ്തിരുന്നു. കയ്യേറ്റത്തെ തുടര്‍ന്ന് കുഴഞ്ഞുവീണ ഹംസക്കുട്ടിയെ ആശുപത്രിയിലേക്ക് കൊണ്ടുപോവും വഴിയാണ് മരണം സംഭവിച്ചത്. 

പ്രദേശത്ത് ഇപ്പോഴും സംഘര്‍ഷാവസ്ഥ നിലനില്‍ക്കുകയാണ്. മേഖലയില്‍ പൊലീസ് കനത്ത സുരക്ഷ ഏര്‍പ്പെടുത്തിയിട്ടുണ്ട്.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം