നടിയുടെ കേസില്‍ ഗുഢാലോചനാക്കുറ്റം ചുമത്തി അന്യായമായാണ് തന്നെ അറസ്റ്റ് ചെയ്തതെന്നും, കൂടുതൽ തടങ്കൽ ആവശ്യമില്ലാത്തതിനാൽ ജാമ്യം അനുവദിക്കണമെന്നുമാണ് ദിലീപിന്റെ ഹർജിയിലെ ആവശ്യം. എന്നാല്‍ ദിലീപിന് ജാമ്യം നൽകുന്നതിനെ പ്രോസിക്യൂഷൻ ശക്തമായി എതിർത്തിരുന്നു. കേസില്‍ ദിലീപിനെതിരെ ശക്തമായ തെളിവുകള്‍ ഉണ്ടെന്നും പ്രോസിക്യൂഷൻ കോടതിയെ അറിയിച്ചിരുന്നു.
അതേസമയം ദിലീപിന്റെ ജാമ്യഹർജിയിൽ വാദം കേൾക്കുന്നതിനിടെ, നടിയെ ആക്രമിച്ച സംഭവത്തിന്റെ കേസ് ഡയറി പ്രോസിക്യൂഷൻ ഹൈക്കോടതിയിൽ മുദ്രവെച്ച കവറിലാക്കി സമർപ്പിച്ചിരുന്നു. ജൂലായ് 24 തിങ്കളാഴ്ച രാവിലെ 10.15ഓടെയാണ് ഹൈക്കോടതി സിംഗിൾ ബെഞ്ച് ദിലീപിന്റെ ജാമ്യഹർജിയിൽ വിധി പറയുക.
