കഴിഞ്ഞ മെയ് പത്തോമ്പതാം തീയതിയാണ് കേസിനാസ്പദമായ സംഭവം നടന്നത്. ഭാര്യയ്‌ക്കൊപ്പം ദുബായിൽ നിന്നെത്തിയ കുഞ്ഞിരാമനോട് പരിശോധനയ്ക്കായി കസ്റ്റംസ് ഹാളിൽ വച്ച് ഉദ്യോഗസ്ഥർ ആവശ്യപ്പെട്ട പ്രകാരം ബാഗ്, പഴ്സ്, സ്വർണ്ണമാല എന്നിവ നൽകി. എന്നാൽ തിരികെ ട്രേയിൽ നിന്നെടുത്തപ്പോൾ പഴ്‌സും ബാഗും മാത്രമാണ് കുഞ്ഞിരാമന് ലഭിച്ചത്. ഭാര്യ മാല എടുത്തിരിക്കാം എന്നായിരുന്നു കുഞ്ഞിരാമൻ ധരിച്ചത്. എന്നാൽ വീട്ടിലെത്തിയ ശേഷമാണ് മാല ലഭിച്ചില്ല എന്ന വിവരം അറിഞ്ഞത്.
