ബിജെപിക്കെതിരെ പരസ്യ വെല്ലുവിളിയുമായി സി പി എം പോളിറ്റ് ബ്യൂറോ അംഗം ഇ പി ജയരാജന്‍. പാനൂരിലെ സി പി എം പ്രവര്‍ത്തകന്‍ വിനോദിന്റെ കൊലപാതകത്തില്‍ ആര്‍ എസ് എസ് അനുഭവിക്കേണ്ടി വരുമെന്ന് ഇ പി ജയരാജന്‍ പറഞ്ഞു.
ഒരു കൊലപാതകം കൊണ്ടൊന്നും ഒന്നും അവസാനിക്കുന്നില്ലെന്നും അദ്ദേഹം പറഞ്ഞു. വിനോദിന്റെ കൊലപാതകത്തില്‍ പ്രതിഷേധിച്ച് സിപിഎം നടത്തിയ പൊതുയോഗത്തിലാണ് ജയരാജന്‍റെ പ്രസംഗം.
വിഷു ആഘോഷം കഴിഞ്ഞ് ക്ഷേത്രത്തില്‍ നിന്ന് മടങ്ങുമ്പോഴാണ് സി പി എം വടക്കെ പൊയിലൂര്‍ ബ്രാഞ്ച് അംഗം പള്ളിച്ചാലില്‍ വിനോദിനെ (37) ബോംബെറിഞ്ഞ് കൊലപ്പെടുത്തിയത്. സംഭവത്തില്‍ ഇരുപതോളം ബി ജെ പി പ്രവര്‍ത്തകര്‍ക്ക് എതിരെ പൊലീസ് കേസെടുത്തിരുന്നു.
