അതേസമയം മുഖപ്രസംഗത്തിൽ ഉന്നയിച്ച കാര്യങ്ങളോ വാർത്തകളോ തള്ളാന്‍ മാണി തയ്യാറായില്ല. എന്നാല്‍ പല പ്രലോഭനങ്ങൾ ഉണ്ടായിരുന്നുവെന്നും അവയിലൊന്നും വഴിപ്പെട്ടില്ലെന്നും മാത്രമാണ് അദ്ദേഹം പറഞ്ഞത്. യുഡിഎഫിനെ അട്ടിമറിച്ച് അധികാര സ്ഥാനത്തിനുവേണ്ടി ഒന്നും താന്‍ ചെയ്തിട്ടില്ല. യുഡിഎഫിനെ സംരക്ഷിക്കുന്നതിനുളള നടപടികളാണ് എടുത്തിട്ടുളളതെന്നും മാണി പറഞ്ഞു.
സുധാകരന്റെ അറിവ് വെച്ചാണ് അദ്ദേഹം പറഞ്ഞത്. അദ്ദേഹം എന്താണ് പറഞ്ഞതെന്ന് താന്‍ കേട്ടിട്ടില്ല. വളരെ മാന്യനായ വ്യക്തിയാണ് സുധാകരന്‍. അതുകൊണ്ടുതന്നെ അദ്ദേഹം പറഞ്ഞ കാര്യങ്ങള്‍ അവിശ്വസിക്കേണ്ട ആവശ്യവുമില്ല. യുഡിഎഫിനെ സംരക്ഷിക്കാനാണ് ശ്രമിച്ചത്. എല്‍ഡിഎഫുമായുളള ചര്‍ച്ചകള്‍ക്ക് ആരെയും ചുമതലപ്പെടുത്തിയിട്ടില്ലെന്നും മാണി വ്യക്തമാക്കി.
