ലാലുമായി ഇന്നും സംസാരിച്ചിരുന്നു. വിവാദങ്ങളില്‍ അദ്ദേഹത്തിന് വലിയ വിഷമമുണ്ട്. മോഹന്‍ലാല്‍ മാന്യമായാണ് പെരുമാറിയത്. ഇനിയും അദ്ദേഹത്തെ വേട്ടയാടരുതെന്നും മന്ത്രി പറഞ്ഞു. ഗെയിംസിന്റെ ഉദ്ഘാടന പരിപാടിക്കായി ആദ്യം എ ആര്‍ റഹ്‌മാന്റെ പരിപാടിയായിരുന്നു തീരുമാനിച്ചിരുന്നത്. എന്നാല്‍ , തുക വളരെ കൂടുതലായതിനാല്‍ അത് ഒഴിവാക്കുകയായിരുന്നു.
ദേശീയഗെയിംസിന്റെ ഉദ്ഘാടനവേദിയില്‍ ലാലിസത്തെക്കുറിച്ച് മാത്രമാണ് പരാതിയുള്ളതെന്നും വേറെ പരിപാടികളെക്കുറിച്ചൊന്നും പരാതികള്‍ ഇല്ലെന്നും മന്ത്രി പറഞ്ഞു. ഗെയിംസിന്റെ ഉദ്ഘാടന ചടങ്ങുകള്‍ സംബന്ധിച്ച് ഓഡിറ്റ് നടത്തി കണക്കുകള്‍ ബോധിപ്പിക്കാന്‍ ചീഫ് സെക്രട്ടറിക്ക് നിര്‍ദ്ദേശം നല്കിയിട്ടുണ്ടെന്നും അദ്ദേഹം പറഞ്ഞു.
