പിണറായി വധശ്രമം: കുഞ്ഞികൃഷ്ണന്റെ റിമാന്‍ഡ് കാലാവധി നീട്ടി

PRO

PRO

സിപിഎം സംസ്ഥാന സെക്രട്ടറി പിണറായി വിജയന്റെ വീടിന് സമീപത്ത് നിന്ന് തോക്കുമായി പിടിയിലായ കുഞ്ഞികൃഷ്ണന്റെ റിമാന്‍ഡ് കാലാവധി നീട്ടി. തലശേരി ജുഡീഷല്‍ ഒന്നാം ക്ളാസ് മജിസ്ട്രേറ്റ് കോടതിയാണ് റിമാന്‍ഡ് കാലാവധി 14 ദിവസത്തേക്കു കൂടി നീട്ടിയത്.

നാദാപുരം വളയം കുറ്റിക്കാട്ടില്‍ പിലാവുള്ളതില്‍ കുഞ്ഞികൃഷ്ണന്‍ എന്നയാളെ ഏപ്രില്‍ മൂന്നിന് രാത്രിയാണു പിണറായിയുടെ വീടിന് സമീപത്ത് നിന്ന് സംശയാസ്പദമായ സാഹചര്യത്തില്‍ പിടികൂടിയത്. 76കാരനാണ് ഇയാള്‍.

56 ദിവസമായി റിമാന്‍ഡില്‍ കഴിയുന്ന കുഞ്ഞികൃഷ്ണന്‍ ജാമ്യാപേക്ഷ സമര്‍പ്പിച്ചിട്ടുണ്ട്.