നിരത്തില്‍ നിന്നും പത്തുവര്‍ഷം പഴക്കമുളള ബസുകള്‍ പിന്‍വലിച്ച് പുതിയത് നിരത്തിലിറക്കണമെന്നാണ് ഉത്തരവ് പറയുന്നത്. കെഎസ്ആര്‍ടിസി, ജില്ലാ ട്രാന്‍സ്‌പോര്‍ട്ട് ഓഫിസര്‍, സ്വകാര്യബസ് ഓപ്പറേറ്റേഴ്‌സ് സംഘടനകള്‍, സ്റ്റേജ് കാര്യേജ് സെക്ഷനുകള്‍ എന്നിവരോടും ഇക്കാര്യങ്ങള്‍ വ്യക്തമാക്കിയിട്ടുണ്ട്.
കേരളത്തിലെ ആറുനഗരങ്ങളില്‍ പത്തുവര്‍ഷം പഴക്കമുളള 2000സിസിക്കുമേല്‍ ശേഷിയുളള ഡീസല്‍വാഹനങ്ങള്‍ നിരത്തില്‍ നിന്നും ഒരുമാസത്തിനുള്ളില്‍ പിന്‍വലിക്കണമെന്ന് ഹരിതട്രൈബ്യൂണല്‍ ഉത്തരവിറക്കിയിരുന്നു. ഈ വിധിക്കെതിരെ അപ്പീല്‍ പോകാനിരിക്കെയാണ് ബസുടമകളെ പ്രതിസന്ധിയിലാക്കുന്ന പുതിയ ഉത്തരവ് സര്‍ക്കാര്‍ തന്നെ പുറത്തിറക്കിയിരിക്കുന്നത്.
