നടി ആക്രമിക്കപ്പെടുമെന്ന കാര്യം സിദ്ദിഖിന് അറിയാമായിരുന്നു? താരത്തെ പൊലീസ് ചോദ്യം ചെയ്തു

കൊച്ചിയില്‍ നടി ആക്രമിക്കപ്പെട്ടതുമായി ബന്ധപ്പെട്ട് നടന്‍ സിദ്ദിഖിനെ പൊലീസ് ചോദ്യം ചെയ്തു. ആലുവ പൊലീസ് ക്ലബില്‍ വിളിച്ചു വരുത്തിയാണ് സിദ്ദിഖില്‍ നിന്നും പൊലീസ് വിവരങ്ങള്‍ ശേഖരിച്ചത്. കേസുമായി ബന്ധപ്പെട്ട് രണ്ടാഴ്ച മുമ്പും പൊലീസ് സിദ്ദിഖില്‍ നിന്നും വിവരങ്ങള്‍ ശേഖരിച്ചിരുന്നു. 

നടി ആക്രമിക്കപ്പെടുമെന്ന കാര്യം സിദ്ദിഖിന് നേരത്തേ അറിയാമായിരുന്നോ എന്നാണ് പൊലീസിന് അറിയേണ്ടിയിരുന്നത്. കേസിൽ റിമാൻഡിൽ കഴിയുന്ന ദിലീപുമായുള്ള സാന്പത്തിക ഇടപാടുകളെ കുറിച്ചും പൊലീസ് ചോദിച്ചു. നടിയെ ആക്രമിച്ച സംഭവത്തെ കുറിച്ച് ഒന്നും അറിയില്ലെന്നായിരുന്നു സിദ്ദിഖിന്റെ മറുപടി.

കേസുമായി ബന്ധപ്പെട്ട് നടന്‍ ദിലീപിനെ ആദ്യം ചോദ്യം ചെയ്യാന്‍ പൊലീസ് വിളിച്ച് വരുത്തിയ സംഭവത്തില്‍ സിനിമ മേഖലയില്‍ നിന്നും ദിലീപിനെ അന്വേഷിച്ചെത്തിയത് സിദ്ദിഖ് മാത്രമായിരുന്നു. സിദ്ദിഖിനെ ആരെങ്കിലും പറഞ്ഞ് വിട്ടതാണോ എന്ന സംശയവും പൊലീസിനുണ്ടായിരുന്നു. അതോടൊപ്പം, കോടതി കുറ്റക്കാരനെന്ന് വിധിക്കുന്നത് വരെ താന്‍ ദിലീപിനൊപ്പം ആയിരിക്കുമെന്നും സിദ്ദിഖ് പറഞ്ഞിരുന്നു.