നടി ആക്രമിക്കിപ്പട്ട കേസുമായി ബന്ധപ്പെട്ട ഗൂഢാലോചന നടത്തി ജയിലിലായ ദിലീപിനെ കൈയൊഴിഞ്ഞ് താരങ്ങള്‍. താരസംഘടനയായ അമ്മയില്‍ നിന്നും ദിലീപിനെ പുറത്താക്കാനുള്ള തയ്യാറെടുപ്പിലാണ് സംഘടനയെന്നാണ് റിപ്പോര്‍ട്ടുകള്‍. താരസംഘടയില്‍ നിന്നും ദിലീപിനെ ഉടന്‍ സസ്‌പെന്‍ഡ് ചെയ്യുമെന്നാണ് വ്യക്തമാകുന്നത്. രണ്ടു മക്കളേയും ഒരുപോലെ സംരക്ഷിക്കുമെന്ന നിലപാടാണ് വാര്‍ഷിക ജനറല്‍ ബോഡിയില്‍ അമ്മ സ്വീകരിച്ചത്.
അതേസമയം, ജനപ്രതിനിധികളായ ഇന്നസെന്‍റും, മുകേഷും, കെബി ഗണേഷ് കുമാറും ഈ വിഷയയത്തില്‍ എടുത്ത സമീപനം ക്രിമിനലുകളെ സംരക്ഷിക്കുന്നതും സ്ത്രീ വിരുദ്ധവുമായിരുന്നു. ഇത് വിവാദങ്ങള്‍ക്ക് വഴി തെളിച്ചിരുന്നു. ഗൂഡാലോചന നടത്തിയവരെ സംരക്ഷിക്കാനുളള ശ്രമം സിനിമ ലോകത്ത് തന്നെ നടന്നതിന്‍റെ തെളിവായിരുന്നു അമ്മഭാരവാഹികള്‍ പത്രസമ്മേളനത്തില്‍ നടത്തിയ പ്രതികരണങ്ങള്‍.
