മുഖ്യമന്ത്രി ഉമ്മന്‍ ചാണ്ടിയുടെ നേതൃത്വത്തില്‍ എറണാകുളം ജില്ലയില്‍ നടന്ന ജനസമ്പര്‍ക്ക പരിപാടിയില്‍ 4,53,25000 തുക അനുവദിച്ചു. വ്യാഴാഴ്ച നടന്ന ജനസമ്പര്‍ക്ക പരിപാടിയില്‍ ആകെ 17, 559 പരാതികളാണ് ലഭിച്ചത്.
പരിപാടിക്കിടയില്‍ ജില്ലക്കായി മുഖ്യമന്ത്രി ഏ‍ഴ് പദ്ധതികള്‍ പ്രഖ്യാപിക്കുകയും ചെയ്തു. കേന്ദ്രീകൃത സ്വീവേജ് പ്ലാന്റ്, മേഖലാ ക്യാന്‍സര്‍ സെന്ററിന്റെ ടെന്‍ഡര്‍ നടപടി, സിറ്റി ഗ്യാസ് പദ്ധതി, കനാലുകള്‍ വൃത്തിയാക്കി ഫ്ലോട്ടിങ് മാര്‍ക്കറ്റുകള്‍, ചരക്ക്‌ ഗതാഗതം സുഗമമാക്കുന്നതിന് ലോജിസ്റ്റിക് പാര്‍ക്ക്, ഗ്രാമീണ വിദ്യാര്‍ഥികള്‍ക്ക്‌ വിവര സാങ്കേതിക വിദ്യയില്‍ പരിശീലനം നല്‍കുന്നതിന് റൂറല്‍ ബി പി ഒ, പട്ടയ പ്രശ്നങ്ങള്‍ക്ക്‌ പരിഹാരം തുടങ്ങിയവയാണ് കരുതല്‍ 2015 ല്‍ എറണാകുളം ജില്ലക്കുള്ള പ്രഖ്യാപനങ്ങള്‍.
