ചായ ചോദിച്ച് എത്തിയയാള്‍ കെഎസ്ആര്ടിസി ബസുമായി കടന്നു
ചൊവ്വ, 2 ഏപ്രില്‍ 2013 (15:31 IST)
PRO
കെഎസ്ആര്ടിസി ഡിപ്പോയില്‍ ചായ ചോദിച്ച് എത്തിയ മനോരോഗി ബസുമായി കടന്നത് പരിഭ്രാന്തി പരത്തി. ഞായറാഴ്ച രാത്രി പന്ത്രണ്ട് മണിയോടെ പാലാ കെഎസ്ആര്ടിസി ഡിപ്പോയിലാണ് സംഭവമുണ്ടായത്.
സ്റ്റേഷന്‍ മാസ്റ്ററുടെ ഓഫീസില്‍ ചായ ചോദിച്ച് എത്തിയആളാണ് ബസുമായി കടന്നത്. ഈരാറ്റുപേട്ട റോഡിലൂടെ നീങ്ങിയ ബസ് മറ്റൊരു ടൂറിസ്റ്റ് ബസില്‍ ഇടിച്ചശേഷം ഒരു പോസ്റ്റും തകര്‍ത്ത് പാഞ്ഞു.
ബസിലെ ഡ്രൈവറും ക്ലീനറും ചേര്‍ന്ന്് കെഎസ്ആര്ടിസി ബസില്‍ സാഹസികമായി കയറി ബസ് ഓടിച്ചയാളെ കീഴ്പ്പെടുത്തിയത് കൂടുതല്‍ അപകടങ്ങള്‍ ഒഴിവാക്കി.
