കുട്ടികളോടുളള ലൈംഗിക ആകര്‍ഷണത്തെ ന്യായീകരിച്ച് ഫേയ്‌സ്ബുക്ക് അടക്കമുളള സമൂഹ മാധ്യമങ്ങളില്‍ ചിലര്‍ നടത്തുന്ന ഇടപെടലുകള്‍ ആശങ്കാജനകമെന്ന് മുഖ്യമന്ത്രി പിണറായി വിജയന്‍. കുട്ടികളുടെ ക്ഷേമം ലക്ഷ്യമാക്കി പ്രവര്‍ത്തിക്കുന്ന സര്‍ക്കാരിന് അത്തരം പ്രവര്‍ത്തനങ്ങള്‍ അനുവദിച്ച് കൊടുക്കാന്‍ സാധിക്കില്ലെന്നും പിണറായി പറഞ്ഞു.
നൊബേല്‍ സമ്മാന ജേതാവ് കൈലാഷ് സത്യാര്‍ത്ഥി നയിക്കുന്ന ഭാരതയാത്രയുടെ ഭാഗമായി ഇന്നലെ തിരുവനന്തപുരം വിജെടി ഹാളില്‍ നടന്ന ചടങ്ങിലാണ് മുഖ്യമന്ത്രി ഇക്കാര്യം വ്യക്തമാക്കിയത്. കുട്ടികള്‍ക്ക് നേരിട്ട് പരിചയമുളളവരില്‍ നിന്നാണ് ലൈംഗിക അതിക്രമം കൂടുതലും നടക്കുന്നതെന്നാണ് പഠനങ്ങള്‍ പറയുന്നതെന്നും അദ്ദേഹം വ്യക്തമാക്കി.
