അന്തരിച്ച നടന്‍ കലാഭവൻ മണിയുടെ മരണവുമായി ബന്ധപ്പെട്ട് പൊലീസ് നടത്തുന്ന അന്വേഷണത്തിൽ ഇതുവരേയും ഒരു തരത്തിലുള്ള പുരോഗതിയും ഉണ്ടായിട്ടില്ലെന്ന ആരോപണവുമായി കുടുംബാംഗങ്ങൾ രംഗത്ത്. പൊലീസിന്റെ അന്വേഷണം മന്ദഗതിയിലാണ് നടക്കുന്നതെന്നും അദ്ദേഹത്തിന്റെ കുടുംബാംഗങ്ങൾ മാനസികമായി തളർന്ന അവസ്ഥയിലാണെന്നും മണിയുടെ സഹോദരനായ ആർഎൽവി രാമകൃഷ്ണൻ ആരോപിച്ചിരുന്നു. ഇത്തരമൊരു അവസ്ഥയില്‍ ഉപവാസം നടത്താന്‍ ഒരുങ്ങുകയാണ് മണിയുടെ കുടുംബം. മണിയുടെ സഹോദരനായ ആർഎൽവി രാമകൃഷ്ണൻ തന്റെ ഫേസ്‌ബുക്ക് പോസ്റ്റിലൂടെയാണ് ഇക്കാര്യം അറിയിച്ചത്.
ആർഎൽവി രാമകൃഷ്ണന്റെ ഫേസ്‌ബുക്ക് പോസ്റ്റിന്റെ പൂര്‍ണ്ണരൂപം:
പ്രിയ സൂഹൃത്തുക്കളെ എന്റെ സഹോദരൻ അല്ല നമ്മുടെ സഹോദരൻ മരിച്ച് 3 മാസം തികയാൻ പോകുകയാണ് നാളിതുവരെയായി അന്വേഷണത്തിന്റെ യാതൊരു പുരോഗതിയും ഉണ്ടായിട്ടില്ല. ഹൈദരാബാദിലേക്ക് അയച്ചിട്ട് റിസൾട്ട് ഇതുവരെയും കിട്ടിയിട്ടില്ല. ഈ സാഹചര്യത്തിൽ കുടുംബാഗങ്ങൾ ഒരു ദിവസത്തെ സൂചന സമരം നടത്തുന്നു. ചാലക്കുടി സൗത്ത് ഫ്ളൈ ഓവറിന്റെ താഴെ ഈ വരുന്ന ശനിയാഴ്ച രാവിലെ 7 മുതൽ വൈകീട്ട് 7 വരെ നടത്തുന്ന ഉപവാസ സമരത്തിന് മണിച്ചേട്ടനെ ജീവനു തുല്യം സ്നേഹിച്ച നിങ്ങളുടെ സാന്നിധ്യവും സഹകരണവും പ്രതീക്ഷിച്ചു കൊള്ളുന്നു.
