മുഖ്യമന്ത്രി ഉമ്മന്‍ചാണ്ടിക്കെതിരെ വി എസ് അച്യുതാന്ദന്റെ അഭിഭാഷകന്‍ മാനനഷ്ടത്തിന് വക്കീല്‍ നോട്ടീസ് അയച്ചു. മുഖ്യമന്ത്രിക്കെതിരായ കേസുകളുമായി ബന്ധപ്പെട്ട് വി എസിന്റെ പ്രസ്താവനക്കെതിരായി സമര്‍പ്പിച്ച ഉപഹര്‍ജി തള്ളിയതുമായി ബന്ധപ്പെട്ട് അസത്യപ്രചാരണം നടത്തിയെന്ന് ആരോപിച്ചാണ് ഒരു കോടി രൂപ നഷ്ടപരിഹാരം ആവശ്യപ്പെട്ട് വക്കീല്‍ നോട്ടീസ് അയച്ചത്.
വി എസിന്റെ ഇത്തരത്തിലുള്ള അപകീര്‍ത്തികരമായ പ്രസംഗം വിലക്കണമെന്നും നഷ്ടപരിഹാരമായി ഒരു ലക്ഷം രൂപ വേണമെന്നും ആവശ്യപ്പെട്ടായിരുന്നു മുഖ്യമന്ത്രി കേസ് ഫയല്‍ ചെയതത്. എന്നാല്‍ പ്രതിപക്ഷനേതാവിന്റെ ഇത്തരത്തിലുള്ള അഭിപ്രായ സ്വാതന്ത്രത്തെ തടഞ്ഞാല്‍ സര്‍ക്കാരിന്റെ തെറ്റുകള്‍ തുറന്ന് കാട്ടുന്നതിന് തടസമാകും എന്ന് വിലയിരുത്തി കോടതി ഹര്‍ജി തള്ളുകയായിരുന്നു.
