നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിനെ കുടുക്കാനുള്ള തെളിവുകള്‍ എല്ലാം അന്വേഷണസംഘത്തിന്റെ പക്കല്‍ ഉണ്ടെന്നാണ് പൊലീസിന്റെ വാദം. എന്നാല്‍, ദിലീപിനെതിരെയുള്ള കേസ് കരുതിക്കൂട്ടി സൃഷ്ടിച്ചതാണെന്നുമാണ് ദിലീപിന്റെ അനുയായികള്‍ പറയുന്നത്.
ദിലീപിനെ രക്ഷപെടുത്തണമെന്ന ആവശ്യവുമായി സൂപ്പര്‍താരങ്ങള്‍ കാണേണ്ടവരെ കണ്ടുവെന്നും ആരോപണങ്ങള്‍ ഉയരുന്നുണ്ട്. ഇങ്ങനെയാണെങ്കില്‍ ക്ലൈമാക്സില്‍ വിധി ദിലീപിനനുകൂലമായിരിക്കും എന്നാണ് ഇപ്പോള്‍ ഉയര്‍ന്നു വരുന്ന ആരോപണം. പണവും സ്വാധീനവും ഉപയോഗിച്ച് കേസിലെ കുറ്റവാളികളെ രക്ഷിക്കാന്‍ ശ്രമിക്കുന്നു എന്നാണ് ആരോപണം.
