മണല്‍ക്കടത്ത്‌ തടയാനെത്തിയ റവന്യു ഉദ്യോഗസ്ഥര്‍ക്ക് നേരെ മണല്‍ മാഫിയയുടെ ആക്രമണം. മലപ്പുറം കൂറ്റിലങ്ങാടി വള്ളിക്കാപ്പറ്റക്കടുത്താണ് റവന്യു ഉദ്യോഗസ്ഥര്‍ സഞ്ചരിച്ച ജീപ്പ് മണല്‍മാഫിയക്കാരുടെ ലോറി ഇടിച്ച്‌ തകര്‍ത്തത്.
വെള്ളിയാഴ്‌ രാവിലെ അഞ്ച്‌ മണിയോടെയായിരുന്നു സംഭവം. അനധികൃതമായി മണല്‍ കടത്തുകയായിരുന്ന ലോറി ഉദ്യോഗസ്ഥര്‍ തടയാന്‍ ശ്രമിച്ചപ്പോള്‍ ജീപ്പിന്‌ നേരെ ലോറി ഇടിച്ചുകയറ്റുകയായിരുന്നു.
ഇടിയുടെ ആഘാതത്തില്‍ സമീപത്തുള്ള കുഴിയിലേക്ക്‌ ജീപ്പ് മറിഞ്ഞു. ജീപ്പിലുണ്ടായിരുന്ന ആറ് റവന്യു ഉദ്യോഗസ്ഥര്‍ക്ക് പരുക്കേറ്റു. ഇവരെ പിന്നീട്‌ ആശുപത്രിയില്‍ പ്രവേശിപ്പിച്ചു. പെരിന്തല്‍ മണ്ണ തഹസില്‍ദാര്‍ ജോയ് ജോണിന്‍റെ നേതൃത്വത്തിലുള്ള സംഘം സഞ്ചരിച്ച ജീപ്പിലാണ് മണല്‍ ലോറി ഇടിച്ചത്.
