ബി ഡി ജെ എസിനെതിരെ രൂക്ഷവിമര്‍ശനവുമായി പ്രതിപക്ഷ നേതാവ് വിഎസ് അച്യൂതാനന്ദന്‍. തെരഞ്ഞെടുപ്പില്‍ ബി ഡി ജെ എസ് ചതിയന്‍മാര്‍ക്ക് ശക്തമായ തിരിച്ചടി നല്‍കുമെന്ന് വി എസ് പറഞ്ഞു. കൂടെനിന്ന സഹോദരിമാരെയും അമ്മമാരെയും ചതിച്ച പ്രസ്ഥാനമാണ് ബി ഡി ജെ എസ്. എസ് എന്‍ ഡി പി പേര് മാറ്റിയാണ് ബി ഡി ജെ എസ് ആയതെന്നും വി എസ് ആരോപിച്ചു. തൃശൂരിലെ തെരഞ്ഞെടുപ്പ് പ്രചാരണ യോഗത്തില്‍ സംസാരിക്കുകയായിരുന്നു വി എസ്.
പ്രസംഗത്തിലുടനീളം ഉമ്മന്‍ ചാണ്ടി സര്‍ക്കാരിനെതിരെ ശക്തമായ ഭാഷയിലാണ് വി എസ് വിമര്‍ശിച്ചത്. അഴിമതി കാരണം സര്‍ക്കാരിന്റെ പ്രതിച്ഛായ തകര്‍ന്നിരിക്കുകയാണ്. പ്രതിപക്ഷത്തിന് പുറമെ രമേശ് ചെന്നിത്തലയ്ക്ക് വരെ സര്‍ക്കാരിന്റെ അഴിമതി മനസിലായി. അതുകൊണ്ടാണ് രമേശ് ചെന്നിത്തല ഇക്കാര്യം ചൂണ്ടിക്കണിച്ച് ഹൈക്കമാന്റിന് കത്ത് എഴുതിയതെന്ന് വിഎസ് പറഞ്ഞു.
