RCB vs LSG: ബൗളിങ്ങിന് മൂർച്ച കൂട്ടാൻ ഹേസൽവുഡെത്തി,ആർസിബിക്ക് ഇന്ന് ജയിച്ചെ തീരു, വഴി മുടക്കുമോ ലഖ്നൗ?
പ്ലേ ഓഫില്‍ നിന്നും പുറത്താക്കപ്പെട്ട ടീമുകള്‍ മറ്റ് ടീമുകളുടെ വഴിമുടക്കുന്നതാണ് നിലവില്‍ ഐപിഎല്ലിലെ ട്രെന്‍ഡ്.കഴിഞ്ഞ മത്സരങ്ങളില്‍ ഗുജറാത്ത് ചെന്നൈക്കെതിരെയും ഹൈദരാബാദ് ബെംഗളുരുവിനെതിരെയും വിജയിച്ചിരുന്നു. വമ്പന്‍ ഫോമില്‍ കളിക്കുന്ന നിക്കോളാസ് പുറാന്‍, മിച്ചല്‍ മാര്‍ഷ്, എയ്ഡന്‍ മാര്‍ക്രം എന്നിവരാകും ഇന്ന് ആര്‍സിബിക്ക് വെല്ലുവിളി സൃഷ്ടിക്കുക. അതേസമയം ബാറ്റിംഗ് നിര താളത്തിലെത്തിയാല്‍ കോലി- ഫില്‍ സാല്‍ട്ട് ഓപ്പണിംഗ് സഖ്യവും തുടര്‍ന്നെത്തുന്ന മായങ്ക് അഗര്‍വാള്‍, രജത് പാട്ടീധാര്‍, ജിതേഷ് ശര്‍മ,ടിം ഡേവിഡ് എന്നിവരടക്കമുള്ള നിര ഏത് ബൗളിംഗ് യൂണിറ്റിനെയും തകര്‍ക്കാന്‍ കഴിവുള്ളവരാണ്.
