അതേസമയം ചിന്നസ്വാമി സ്റ്റേഡിയത്തില്‍ വരും ദിവസങ്ങളില്‍ ശക്തമായ മഴയ്ക്ക് സാധ്യതയുണ്ട്. ഇത് മത്സരത്തെ ബാധിക്കുമെന്നാണ് കാലാവസ്ഥ പ്രവചനങ്ങള്‍. മേയ് 19 വരെയുള്ള ദിവസങ്ങളില്‍ ബെംഗളൂരുവില്‍ ഇടിയോടു കൂടിയ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. മത്സരം നടക്കുന്ന 18 ന് 73 ശതമാനം മഴ സാധ്യതയുണ്ട്. വൈകിട്ടുള്ള സമയങ്ങളിലാണ് കൂടുതല്‍ മഴ ലഭിക്കുക. ബെംഗളൂരു, മൈസൂരു അടക്കമുള്ള കര്‍ണാടകയുടെ ദക്ഷിണ ഭാഗങ്ങളില്‍ മേയ് 18 മുതല്‍ 20 വരെ ഓറഞ്ച് അലര്‍ട്ടാണ് പ്രഖ്യാപിച്ചിരിക്കുന്നത്.
