Mumbai Indians vs Gujarath Titans eliminator
ദൈവത്തിന്റെ പോരാളികള്‍ തോറ്റ് കൊണ്ടെ തുടങ്ങാറുള്ളു എന്ന വാചകത്തിന് മുംബൈ ഇന്ത്യന്‍സിനോളം യോജിച്ച ടീം കായിക ലോകത്ത് വേറെയില്ല. ഇത്തവണ സീസണിലെ ആദ്യ 5 മത്സരങ്ങളില്‍ നാലിലും തോറ്റ മുംബൈ പിന്നീട് അവിശ്വസനീയമായ തിരിച്ചുവരവാണ് നടത്തിയത്. ഒരു സമയത്ത് ആദ്യ 2ല്‍ ക്വാളിഫയറില്‍ പോലും എത്തും എന്ന നിലയില്‍ മുംബൈ എത്തിയിരുന്നു. ഇന്ന് എലിമിനേറ്റര്‍ മത്സരത്തില്‍ ഗുജറാത്തിനെ നേരിടാനൊരുങ്ങുമ്പോള്‍ മുംബൈ നേരിടുന്ന പ്രധാനപ്രശ്‌നം ഇംഗ്ലണ്ട് ,ദക്ഷിണാഫ്രിക്കന്‍ താരങ്ങളുടെ മടക്കമാണ്. അതേസമയം ഇംഗ്ലണ്ട് താരമായ ജോസ് ബട്ട്ലറിന്റെ അഭാവമാണ് ഗുജറാത്തിനെ വലയ്ക്കുന്നത്.
