ഡാനിയല്‍ സാംസ് എറിഞ്ഞ ആദ്യ പന്തില്‍ മില്ലര്‍ ഒരു സിംഗിള്‍ നേടി. രണ്ടാം പന്തില്‍ തെവാത്തിയയ്ക്ക് റണ്‍സ് നേടാന്‍ സാധിച്ചില്ല. മൂന്നാം പന്തില്‍ തെവാത്തിയ റണ്‍ഔട്ട്. രണ്ടാം റണ്‍സിന് ഓടിയാണ് തെവാത്തിയ റണ്‍ഔട്ടായത്. നാലാം പന്തില്‍ റാഷിദ് ഖാന് നേടാനായത് ഒരു റണ്‍. അതോടെ അവസാന രണ്ട് പന്തില്‍ ഗുജറാത്തിന് ജയിക്കാന്‍ വേണ്ടത് ആറ് റണ്‍സായി. അഞ്ചാം പന്ത് നേരിട്ടത് കില്ലര്‍ മില്ലര്‍. പക്ഷേ അത് ഡോട്ട് ബോള്‍ ആയി. ഒരു പന്തില്‍ ആറ് റണ്‍സ് എടുത്താല്‍ ജയിക്കുമെന്ന അവസ്ഥ. ഇത്തവണ അവസാന പന്തിലെ അത്ഭുതം ആവര്‍ത്തിക്കാന്‍ ഗുജറാത്തിന് സാധിച്ചില്ല. ഡാനിയല്‍ സാംസ് എറിഞ്ഞ അവസാന ഓവറിലെ അവസാന പന്തില്‍ ഒരു റണ്‍സ് പോലും നേടാനായില്ല. മുംബൈ വിജയിക്കുകയും ചെയ്തു.
