ഈ മാസം 24, 25 തീയ്യതികളിലായി സൗദി അറേബ്യയിലെ ജിദ്ദയില്‍ ഐപിഎല്‍ മെഗാതാരലേലം നടക്കാനിരിക്കുകയാണ്. ഐപിഎല്‍ 2025 സീസണിനായി ആകെ 1574 കളിക്കാരാണ് ഇത്തവണ ലേലത്തില്‍ പങ്കെടുക്കാനായി തങ്ങളുടെ പേരുകള്‍ രജിസ്റ്റര്‍ ചെയ്തിരിക്കുന്നത്. ഇതില്‍ ഇറ്റലിയില്‍ നിന്നും ഒരു കളിക്കാരനും രജിസ്റ്റര്‍ ചെയ്തിട്ടുണ്ട്. ഇതോടെ ഇതാരാകുമെന്ന് അറിയാനുള്ള കൗതുകത്തിലാണ് ക്രിക്കറ്റ് ആരാധകര്‍. ഇപ്പോഴിതാ പുറത്തുവരുന്ന വിവരങ്ങള്‍ പ്രകാരം ഇറ്റാലിയന്‍ ഓള്‍ റൗണ്ടര്‍ താരമായ തോമസ് ഡ്രാക്കയാണ് ഇതെന്നാണ് റിപ്പോര്‍ട്ടുകള്‍ പറയുന്നത്.
