അതേസമയം, മഴ മത്സരം തടസപ്പെടുത്തുകയാണെങ്കില്‍ 20 ഓവര്‍ മത്സരം അഞ്ച് ഓവറാക്കി ചുരുക്കാനാണ് ആദ്യം ആലോചിക്കുക. അതും നടന്നില്ലെങ്കില്‍ സൂപ്പര്‍ ഓവര്‍ നടത്തി വിജയികളെ തീരുമാനിക്കും. ഒരു ഓവര്‍ പോലും എറിയാന്‍ പറ്റാത്ത സാഹചര്യമാണെങ്കില്‍ പോയിന്റ് പട്ടികയില്‍ മുന്‍പിലുള്ള ലഖ്‌നൗ സൂപ്പര്‍ ജയന്റ്‌സ് രണ്ടാം ക്വാളിഫയറിലേക്ക് യോഗ്യത നേടും. കാരണം ലഖ്‌നൗ മൂന്നാം സ്ഥാനക്കാരാണ്. റോയല്‍ ചലഞ്ചേഴ്‌സ് ബാംഗ്ലൂര്‍ ആകട്ടെ പോയിന്റ് പട്ടികയില്‍ ലഖ്‌നൗവിനേക്കാള്‍ താഴേയും. മത്സരം ഉപേക്ഷിക്കേണ്ട ഘട്ടം വന്നാല്‍ ബാംഗ്ലൂര്‍ പുറത്തായതായി പ്രഖ്യാപിക്കും.
