ഗൗതം ഗംഭീര്‍ ടീം മെന്ററായി എത്തിയതോടെ ഐപിഎല്ലില്‍ അത്ഭുതങ്ങളാണ് ഇത്തവണ കൊല്‍ക്കത്ത നൈറ്റ് റൈഡേഴ്‌സ് ചെയ്യുന്നത്. 12 മത്സരങ്ങളില്‍ നിന്നും 18 പോയന്റുകള്‍ സ്വന്തമാക്കി പ്ലേ ഓഫില്‍ ആദ്യമായി സ്ഥാനമുറപ്പിക്കാന്‍ കൊല്‍ക്കത്തയ്ക്ക് ഇത്തവണ സാധിച്ചിരുന്നു. ഓപ്പണര്‍മാരായ ഫില്‍ സാള്‍ട്ട്,സുനില്‍ നരെയ്ന്‍ എന്നിവരുടെ പ്രകടനങ്ങളാണ് കൊല്‍ക്കത്തയുടെ കുതിപ്പിന് കാരണമായതെങ്കിലും ഇതിനെല്ലാം പിന്നിലെ ബുദ്ധികേന്ദ്രം നരെയ്‌നെ വീണ്ടും ഓപ്പണിംഗില്‍ കൊണ്ടുവന്ന ഗൗതം ഗംഭീറായിരുന്നു.
