ലോകത്തിലെ തന്നെ ഏറ്റവും വലിയ കെട്ടിടമായ ബുര്‍ജ് ഖലീഫയില്‍ ഇന്ത്യയുടെ പതാക തെളിയിച്ച് ഇന്ത്യയ്ക്കുള്ള പിന്തുണ അറിയിച്ച് യുഎഇ. പതാകയ്ക്കൊപ്പം സ്റ്റേ സ്ട്രോങ് ഇന്ത്യ എന്ന സന്ദേശവും പ്രദര്‍ശിപ്പിച്ചിരുന്നു. ഞായറാഴ്ചയാണ് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്യുന്ന രണ്ടാമത്തെ ഏഷ്യന്‍ രാജ്യമെന്ന നിലയില്‍ ഇന്ത്യയ്ക്ക് യുഎഇ പിന്തുണ അറിയിച്ചത്. കോവിഡ് രണ്ടാം തരംഗം നേരിടുന്ന ഇന്ത്യക്ക് കോവിഡിനെതിരെ പോരാടാനുള്ള എല്ലാവിധ ആശംസകളും നേരുന്നുവെന്നും യുഎഇയിലെ ഇന്ത്യന്‍ എംബസ്സി ട്വിറ്ററില്‍ പോസ്റ്റ് ചെയ്തു.
