ഒമാനിലുണ്ടായ രണ്ടു വ്യത്യസ്ത വാഹനാപകടങ്ങളിലായി രണ്ടു മലയാളികള് മരിച്ചു. കോഴിക്കോട് നടുവണ്ണൂര് സ്വദേശിയും കാസര്കോട് നീലേശ്വരം സ്വദേശിയുമാണ് മരിച്ചത്. ദാഖിലിയ പ്രവശ്യയിലെ ആദമില് ട്രക്കുകള് കൂട്ടിയിടിച്ചാണ് കോഴിക്കോട് നടുവണ്ണൂര് സ്വദേശിയായ നൗഫല്(31) മരിച്ചത്. നൗഫല് ഓടിച്ചിരുന്ന ട്രക്ക് കാറിലും പിന്നീട് മറ്റൊരു ട്രക്കിലും ഇടിച്ച് തീപിടിച്ചായിരുന്നു അപകടം നടന്നത്.
