ഇസ്രായേല്‍ മുന്‍ പ്രസിഡന്റ് ഷിമോണ്‍ പെരസ് അന്തരിച്ചു
ബുധന്‍, 28 സെപ്‌റ്റംബര്‍ 2016 (09:24 IST)
ഇസ്രായേല്‍ മുന്‍ പ്രസിഡന്റ് ഷിമോണ്‍ പെരസ് അന്തരിച്ചു. 93 വയസ്സ് ആയിരുന്നു. പക്ഷാഘാതത്തെ തുടര്‍ന്ന് കഴിഞ്ഞ കുറച്ചു ദിവസങ്ങളായി ചികിത്സയില്‍ ആയിരുന്നു. ഷിമോൺ പെരസിന്റെ മരണം ഇസ്രയേൽ മാധ്യമങ്ങൾ സ്ഥിരീകരിച്ചു.
ബുധനാഴ്ച പുലര്‍ച്ചെ മൂന്നു മണിക്കായിരുന്നു മരണമെന്ന് ഇദ്ദേഹത്തിന്റെ മരുമകന്‍ റഫി വാള്‍ഡന്‍ അറിയിച്ചു. തെല്‍അവീവിലെ ആശുപത്രിയില്‍ അസുഖത്തെ തുടര്‍ന്ന് സെപ്തംബര്‍ 13 നായിരുന്നു അദ്ദേഹത്തെ പ്രവേശിപ്പിച്ചത്.
1994ൽ പെരസിന് സമാധാനത്തിനുള്ള നൊബേൽ പുരസ്കാരം ലഭിച്ചിട്ടുണ്ട്.
