തീവ്രവാദനിഴലില്‍ പാകിസ്ഥാനുമായി ചര്‍ച്ച സാധ്യമല്ലെന്ന് പ്രധാനമന്ത്രി നരേന്ദ്ര മോഡി. പാകിസ്ഥാനുമായി ചര്‍ച്ചയ്‌ക്ക് തയ്യാറാണ്. എന്നാല്‍ തീവ്രവാദ നിഴലില്‍ ചര്‍ച്ച സാധ്യമല്ല. പാകിസ്ഥാനുമായി ഇന്ത്യ സൗഹൃദമാണ്‌ ആഗ്രഹിക്കുന്നത്‌ തീവ്രവാദം അവസാനിപ്പിക്കാന്‍ പാകിസ്‌ഥാന്‌ ബാധ്യതയുണ്ടെന്നും മോഡി യുഎന്‍ പൊതുസഭയില്‍ വ്യക്തമാക്കി.
ഇന്ത്യന്‍ ജനതയില്‍ ലോകം പ്രതീക്ഷ അര്‍പ്പിച്ചിരിക്കുകയാണെന്നും അദ്ദേഹം കൂട്ടിച്ചേര്‍ത്തു. ഇന്ത്യ സ്വന്തമായി തത്വശാസ്‌ത്രമുള്ള രാജ്യമാണ്‌. ഇന്ത്യ ബഹുസ്വരതയില്‍ വിശ്വസിക്കുന്നതായും പ്രധാനമന്ത്രി വ്യക്തമാക്കി. വളര്‍ച്ചയ്‌ക്ക് സുരക്ഷയഒം സമാധാനവും അനിവാര്യമാണെന്നും മോഡി പറഞ്ഞു. യുഎന്‍ പൊതുസഭയില്‍ മറ്റ്‌ രാഷ്‌ട്രതലവന്‍മാരുമായും മോഡി കൂടിക്കാഴ്‌ച നടത്തും.
