ക്രൈസ്തവര്‍ വിശുദ്ധവാരത്തിന്റെ ധന്യതയിലൂടെ കടന്നു പോകുകയാണ്. പെസഹ ആചരണത്തിനായി കേരളത്തിലെ ക്രൈസ്തവരും ഒരുങ്ങിക്കഴിഞ്ഞു. അതേസമയം, പെസഹ ദിനത്തിലെ പ്രധാന ശുശ്രൂഷകളിലൊന്നായ കാല്‍ കഴുകല്‍ ശുശ്രൂഷയില്‍ ഇത്തവണ കേരളത്തില്‍ മാര്‍പാപ്പയുടെ ആഗ്രഹം നടപ്പിലാക്കില്ല.
പെസഹദിനത്തിലെ കാല്‍ കഴുകല്‍ ശുശ്രൂഷയില്‍ പുരുഷന്മാരെ മാത്രമല്ല, സ്ത്രീകളെയും ഉള്‍പ്പെടുത്തണമെന്ന് ആയിരുന്നു മാര്‍പാപ്പയുടെ ആഹ്വാനം. എന്നാല്‍, ഭാരതസഭയില്‍ സീറോ മലബാര്‍, മലങ്കര സഭകള്‍ ഇത് തിടുക്കത്തില്‍ നടപ്പാക്കേണ്ടതില്ലെന്ന് ആദ്യമേ തീരുമാനിച്ചിരുന്നു.
