മോഡി തരംഗം ആഗോള പ്രതിഭാസം; ലോകമെമ്പാടു നിന്നും ആരാധകര്‍!
വെള്ളി, 3 ഒക്‌ടോബര്‍ 2014 (16:45 IST)
ഇന്നേവരെ ഒരു ഇന്ത്യന്‍ പ്രധാന മന്ത്രിക്കും ലഭിക്കാത്ത ആഗോള പിന്തുണയാണ് നരേന്ദ്ര മോഡിക്ക് ലഭിച്ചുകൊണ്ടിരിക്കുന്നതെന്ന റിപ്പോര്‍ട്ടുകള്‍ പുറത്തുവന്നിരിക്കുന്നു. മോഡിയുടെ ഫേസ്ബുക്ക് പേജിന് ഇന്ത്യക്ക് പുറത്ത് 21 രാജ്യങ്ങളില്‍ നിന്നായി ആരാധകരുണ്ടെന്നാണ് റിപ്പോര്‍ട്ടുകള്‍. ന്യൂയോര്‍ക്ക് ടൈംസ് ആണ് ഇതു സംബന്ധിച്ച റിപ്പോര്‍ട്ടുകള്‍ പുറത്ത് വിട്ടത്.
ഒന്നും രണ്ടുമല്ല 94,553 ആരാധകരാണ് മോഡിക്ക് ഫേസ്ബുക്കിലുള്ളത്. മറ്റ് രാജ്യങ്ങളില്‍ നിന്നായി പതിനായിരത്തില്‍ കുറയാത്ത ആരാധക വൃന്ദവും നമ്മുടെ പ്രധാനമന്ത്രിക്കുണ്ട് എന്നത് ഇന്ത്യക്കാര്‍ക്ക് മുഴുവന്‍ അഭിമാനാര്‍ഹമാണ്. അതേസമയം ഇന്ത്യയിലാണ് മോഡിക്ക് ഏറ്റവും കൂടുതല്‍ ആരാധകരുള്ളത്.
മാഡിസണ്‍ സ്ക്വയറിലെ മോഡിയുടെ പ്രസംഗമാണ് അമേരിക്കന്‍ പൌരന്മാരേ മോഡിയിലേക്ക് ആകര്‍ഷിച്ചിരിക്കുന്നത് എന്നാണ് നിഗമനം. മോഡിയുടെ മാഡിസണ്‍ സ്ക്വയറിലെ പ്രസംഗം അമേരിക്കന്‍ മാധ്യമങ്ങളിലും സാമൂഹ്യ മാധ്യമങ്ങളിലും നിരവധി ചര്‍ച്ചകള്‍ക്ക് വഴിവച്ചിരുന്നു.
