ഖുബൈസിക്കൊപ്പം മറ്റ് 2 ഹിസ്ബുള്ള കമാന്‍ഡര്‍മാരും കൊല്ലപ്പെട്ടു. ഇവരും റോക്കറ്റ്- മിസൈല്‍ വിഭാഗങ്ങളുടെ നേതൃനിരയില്‍ ഉണ്ടായിരുന്നവരാണെന്ന് ഇസ്രായേല്‍ ഡിഫന്‍സ് ഫോഴ്‌സ് (ഐഡിഎഫ്) പറയുന്നു. ഖുബൈസിയുടെ മരണം ഹിസ്ബുള്ളയും സ്ഥിരീകരിച്ചു. 1980കളില്‍ ഹിസ്ബുള്ളയുടെ ഭാഗമായ ഖുബൈസിയാണ് കാലങ്ങളായി ഹിസ്ബുള്ളയുടെ മിസൈല്‍- റോക്കറ്റ് ആക്രമണങ്ങളില്‍ നേതൃത്വം കൊടുത്തിരുന്നത്. സുപ്രധാനമായ മിസൈല്‍ ആക്രമണങ്ങള്‍ക്ക് നേതൃത്വം നല്‍കിയിരുന്ന ഖുബൈസിക്ക് ഹിസ്ബുള്ളയില്‍ വലിയ സ്വാധീനമാണ് ഉണ്ടായിരുന്നതെന്ന് അന്തര്‍ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
