മേരിലിൻഡ്, ഡെലിവേർ, പെൻസിൽവേനിയ, കണടികറ്റ്, റോഡൈലൻഡ് എന്നീ അഞ്ച് പ്രൈമറികളിലാണ് ട്രംപ് വിജയം കുറിച്ചത്. അതേസമയം, പെൻസിൽവേനിയ, മേരിലിൻഡ്, ഡെലിവേർ എന്നിവിടങ്ങളിലെ ഡെമോക്രറ്റിക് പ്രൈമറിയിൽ ഹിലരി ക്ലിന്റണും വിജയിച്ചു.
എതിരാളികളായ ടെഡ് ക്രൂസിനെയും ജോൺ കസിഷനെയും നിഷ്പ്രയാസം പിന്നിലാക്കികൊണ്ടാണ് ട്രംപിന്റെ മുന്നേറ്റം. എല്ലാ പ്രൈമറികളിലും ട്രംപിന്‌ മികച്ച ഭൂരിപക്ഷമാണ്‌ കിട്ടുന്നത്‌. 1237 ഡെലിഗേറ്റുകളുടെ പിന്തുണ വേണ്ട ട്രംപ് 944 പേരുടെ പിന്തുണ നേടിയാണ്‌ സ്‌ഥാനാര്‍ത്ഥിത്വം ഉറപ്പിച്ചിരിക്കുന്നത്‌. ഇതോടെ തെരഞ്ഞെടുപ്പിൽ ഇരുവരും നേർക്കുനേർ വരുമെന്ന കണക്കുകൂട്ടലിലാണ് നിരീക്ഷകർ.
