ദീപികാ പദുക്കോണ്‍ ലോകത്തെ ഏറ്റവും ലൈംഗികാകര്‍ഷണമുള്ള സുന്ദരി
വെള്ളി, 4 ജൂലൈ 2014 (12:41 IST)
ബോളിവുഡ് താരമായ സുന്ദരി ദീപികാ പദുക്കോണ്‍ ലോകത്തെ ഏറ്റവും ലൈംഗികാകര്‍ഷണമുള്ള വനിതയായി തെരഞ്ഞെടുക്കപ്പെട്ടു. ബ്രിട്ടനിലെ എഫ്എച്ച്എം മാഗസിന്‍ സംഘടിപ്പിച്ച വോട്ടെടുപ്പിനൊടുവില്‍ തയ്യാറാക്കിയ പട്ടികയിലാണ് ഈ ബോളിവുഡ് സുന്ദരി ഒന്നാമതെത്തിയത്.
മുന്‍ വര്‍ഷത്തെ വിജയി കത്രീന കൈഫിനെ മൂന്നാം സ്ഥാനത്തെയ്ക്ക് പിന്തള്ളിയാണ് ദീപിക മുന്നിലെത്തിയത്. നര്‍ഗിസ് ഫക്രി, ശ്രുതി ഹാസന്‍, അനുഷ്‌ക്കാ ശര്‍മ്മ, ഇല്യാന ഡിസൂസ, കരീന കപൂര്‍ തുടങ്ങിയവരും പട്ടികയില്‍ ഇടം പിടിച്ചിട്ടുണ്ട്.
ഒന്നാമതെത്തിയ ദീപികാ പദുക്കോണിന്റെ മുഖച്ചിത്രമാണ് പുതിയ ലക്കത്തില്‍ ഉള്‍പെടുത്തിയിട്ടുള്ളത്. ഇതില്‍ ലോകത്തെ ഏറ്റവും ലൈംഗികാകര്‍ഷണമുള്ള 100 സുന്ദരികളുടെ ചിത്രവും ഉള്‍പെടുത്തിയിട്ടുണ്ട്.
അതേസമയം തന്റെ ശരീര സൗന്ദര്യമല്ല പകരം തന്റെ ജോലിയിലെ കഠിനാദ്ധ്വാനമാണ് തനിക്ക് ഈ പദവി സമ്മാനിച്ചതെന്ന് ദീപിക പറയുന്നു. കഴിഞ്ഞ കുറച്ചുവര്‍ഷങ്ങളായി മികച്ച വേഷങ്ങളാണ് തനിക്ക് ലഭിക്കുന്നതെന്നും ദീപിക കൂട്ടിച്ചേര്‍ത്തു.
