ഇനിമുതല്‍ 360 ഡിഗ്രി ചിത്രങ്ങളെടുക്കാന്‍ ക്യാമറകൾ ആവശ്യമില്ല. ആന്‍ഡ്രോയ്ഡ്, ഐ ഒ എസ് സ്മാര്‍ട്‌ഫോണ്‍ ഉപഭോക്താക്കള്‍ക്ക് 360 ഡിഗ്രി ചിത്രങ്ങള്‍ ഫേസ്ബുക്ക് നിര്‍മിച്ച് നല്‍കും. ന്യൂസ് ഫീഡില്‍ ഇതിനായി കൊമ്പസ് ഐക്കണ്‍ ഇനിമുതല്‍ ലഭ്യമാകും. എന്നാല്‍ ഇത് ഉപയോഗിക്കുന്നതിനായി ഫെയ്സ്ബുക്കിന്റെ ലേറ്റസ്റ്റ് വേര്‍ഷന്‍ ഉപയോഗിക്കേണ്ടിവരും. ഫോണുകളില്‍ ചിത്രങ്ങള്‍ എങ്ങനെ 360 ഡിഗ്രി ചിത്രങ്ങളായി മാറുന്നുവെന്ന് ഫേസ്ബുക്ക് മേധാവി മാര്‍ക്ക് സക്കര്‍ബര്‍ഗ് തന്റെ ഫേസ്ബുക്ക് പോസ്റ്റിലൂടെ വ്യക്തമാക്കിത്തരുന്നുണ്ട്.
