തുര്‍ക്കിയിലെ യു എസ് എംബസിക്കുമുന്നില്‍ സ്ഫോടനം. രണ്ട് പേര്‍ മരിച്ചതായി സംശയിക്കുന്നു. ചാവേറാക്രമണമാണ് നടന്നതെന്നാണ് റിപ്പോര്‍ട്ടുകള്‍.
യു എസ് എംബസിയുടെ സമീപം ഒരു മൃതദേഹം കണ്ടതായി ഒരു മാധ്യമപ്രവര്‍ത്തകന്‍ റിപ്പോര്‍ട്ട് ചെയ്തിട്ടുണ്ട്. എംബസിയുടെ വിസാ സെക്ഷനിലേക്ക് കടക്കുന്ന വാതിലിന് സമീപമാണ് സ്ഫോടനം നടന്നത്.
ഗുരുതരമായി പരുക്കേറ്റ ഒരു സ്ത്രീയുടെ ശരീരം ആംബുലന്‍സില്‍ കയറ്റിക്കൊണ്ടുപോകുന്നത് കണ്ടതായി അസോസിയേറ്റഡ് പ്രസ് ലേഖകന്‍ റിപ്പോര്‍ട്ട് ചെയ്തിട്ടുണ്ട്. രണ്ട് സുരക്ഷാ ഗാര്‍ഡുകളാണ് കൊല്ലപ്പെട്ടതെന്ന് ഒരു ടി വി ചാനല്‍ റിപ്പോര്‍ട്ട് ചെയ്തു.
വലിയ സുരക്ഷാ സംവിധാനങ്ങളാണ് യു എസ് എംബസിയിലുള്ളത്. ഈ പ്രദേശത്തുതന്നെ ജര്‍മ്മനിയുടെയും ഫ്രാന്‍സിന്‍റെയും എംബസികളുമുണ്ട്. ഈ പ്രദേശം പൊലീസ് സീല്‍ ചെയ്തിരിക്കുകയാണ്.
