ചൈന ഏറ്റവും വലിയ വഞ്ചകനാണെന്ന് ഡൊണാൾഡ്​ ട്രംപ്

ചൈനയെ രൂക്ഷമായി വിമര്‍ശിച്ച് റിപ്പബ്ലിക്കൻ പ്രസിഡൻറ്​ സ്​ഥാനാർഥി ഡൊണാൾഡ്​ ട്രംപ് രംഗത്ത്. ചൈന ഏറ്റവും വലിയ  വഞ്ചകനാണെന്നും മെക്​സികോ ചൈനയുടെ ചെറിയ പതിപ്പാണെന്നും ​ട്രംപ് ആരോപിച്ചു. പിറ്റ്​സ്​ബർഗ്​ സിറ്റിയിൽ നടന്ന പരിപാടിയില്‍ സംസാരിക്കുകയായിരുന്നു അദ്ദേഹം. പ്രസംഗത്തിനിടെ ജപ്പാൻ, ജർമനി, സൗദി അറേബ്യ, ഇറാൻ തുടങ്ങിയ രാജ്യങ്ങള്‍ക്കെതിരെയും ട്രംപ് രൂക്ഷ വിമർശനമാണ് ഉന്നയിച്ചത്.

ചൈന അമേരിക്കയിലേക്ക് സ്​റ്റീൽ ഉത്പന്നങ്ങൾ തള്ളരുത്. ഇത്തരം നീക്കങ്ങളിലൂടെ രാജ്യത്തിന്‍റെ ബൗദ്ധിക സ്വത്ത്​ അവർ കവർന്നെടുക്കുകയാണ്.​ ഇതില്‍ നിന്നും പിന്‍മാറിയില്ലെങ്കിൽ ചൈനക്കെതിരെ നികുതി ചുമത്തും. ഇത്​ വൺവെ നഗരമാണെന്നും ട്രംപ്​ പരിഹസിച്ചു. ​

ഇപ്പോഴത്തെ അമേരിക്കന്‍ പ്രസിഡൻറ്​ ഒബാമയെയും ട്രംപ്​ വിമർശിച്ചു. രാജ്യത്തെ വിഭജിക്കുന്നയാളും കഴിവില്ലാത്തവനും ആണ് ഒബായെന്നും ട്രംപ് ആക്ഷേപിച്ചു.